Siglir tar il cuntegn
Inhalt

Svizra Damain svieuta per Tamedia

La Tamedia senta vinavant l’influenza da la diminuziun d’inserats en las gasettas. L'emprim mez onn ha ella perquai fatg damain svieuta, cumpareglià cun la medema perioda da l'onn avant.

La chasa da la Tamedia.
Legenda: Damain svieuta per la Tamedia. Keystone

Il concern da medias Tamedia ha fatg l’emprima mesadad da l’onn damain svieuta. Quella è sa reducida per 5,7% sin bun 475,1 milliuns francs cumpareglià cun la medema perioda da l’onn passà. D’attribuir saja quest svilup cunzunt a las entradas da reclamas che sajan sa reducidas per 12%. Quai ha communitgà il concern da medias.

Sut il stritg saja il gudogn s’augmentà per 37,1% sin 76,6 milliuns francs – quai dentant pervi dad effects spezials. Gia l’emna passada aveva Tamedia annunzià da reorganisar las redacziuns da sias gasettas.

RR novitads 09:00