Damain svieuta e damain gudogn per Coop

Il detaglist Coop ha nudà l’onn passà in gudogn per passa 50 milliuns pli bass che anc avant in onn. Er la svieuta da l'interpresa è sa reducida per passa 4%.

Joos Sutter.

Legenda da maletgs: Il schef da Cool il Grischun Joos Sutter preschenta las cifras dal onn 2015, Keystone

Il concern da detagl segund grond en Svizra n’ha betg mo nudà l’onn passà ina svieuta pli bassa, ma er in gudogn pli bass, quai communitgescha Coop. En tut ha il concern fatg in gudogn da 416 milliuns francs, quai 54 milliuns francs pli pauc che l’onn 2014 ina reducziun da 11%. Er la svieuta è sa reducida il 2015 per 4,4% sin 27 milliardas francs. Tenor Coop è il motiv principal per la reducziun dal gudogn pajaments extraordinaris en la cassa da pensiun da l’interpresa.

Cuntent è Coop cun il svilup en il commerzi a l’engrossa ed en la producziun. Qua appartegnan ils elavuraturs da charn «Bell» e da mangiativas sco la gruppa «Transgourmet».

En il commerzi en detagl il coc da l’interpresa eran las reducziuns dals pretschs ed ils bass pretschs per ieli da sentir. Sco Coop scriva hajan quests dus effects procurà per 600 milliuns francs damain entradas.

RR novitads 12:00