Siglir tar il cuntegn
cuntegn

Svizra Damain sustegn per projects da film da dunnas

Projects da films cun dunnas en la posiziun da producenta, da reschissura u d’autura survegn main savens sustegn, che projects cun umens en la medema posiziun. Quai mussa il studi "Die Gender-Frage: Zahlen und Fakten aus der Schweizer Filmförderung". Daco na respunda il studi betg definitivamain.

La reschissura Aya Domenig avant il computer da tagl.
Legenda: Per reschissuras sco Aya Domenig èsi pli difficil da survegnir sustegn e promoziun en Svizra, mussa in studi. Keystone

Las auturas Nicole Schroeder ed Ursula Häberlin han analisà las cifras d'inoltraziuns da projects da films lungs, e las decisiuns da sustegn da las instituziuns dals ultims 4 onns.

Dunnas han inoltrà 31% dals projects da film. 28% dals projects da dunnas en vegnids sustegnids. Radund in quart dals raps da sustegn per projects da film en ids a projects da dunnas. Pli avanzà ch'in project è, pli pitschen è la quota da dunnas participadas. La finanziaziun da films dramatics inoltrads da dunnas è generalmain main auta sco quella da projects dad umens.

Emprim studi da quai gener en Svizra

Il studi da las instituziuns da film "FOCAL", cinésuisse ed ARF/FDS e vegni preschentà als dis da film a Soloturn. I sa tracta da l’emprim studi en questa direcziun per la Svizra.