Siglir tar il cuntegn
Inhalt

Svizra Damain rentas d'invaliditad il 2015

L'onn passà è il dumber da rentas sa reducì. Il medem mument èn er dapli cas d'abus da l'assicuranza vegnids constatads.

Ordinatur.
Legenda: Il dumber da rentas è sa reducì il 2015. Keystone

Il dumber da las rentas d'invaliditad è sa reducì l'onn passà per 1,6% sin 222’000. Quai ha communitgà l'Uffizi federal d’assicuranzas socialas.

Tenor l'Uffizi federal è quest svilup in segn ch'ins saja sin la dretga via da transferir l’AI d'ina assicuranza da renta ad in'assicuranza da reintegraziun.

L'onn cun las pli bleras rentas d'invaliditad ch'èn vegnidas pajadas insacura è stà il 2006 cun bunamain 260’000.

Sco success ha l'Uffizi federal era taxà il cumbat da l'abus d'assicuranza. L'onn passà hajan ins pudì cumprovar 540 cas. Quai muntia in respargn da passa 150 milliuns francs.

RR novitads 14:00