Siglir tar il cuntegn
Inhalt

Svizra Damain prestaziuns supplementaras en Svizra

En Svizra han pli paucas persunas survegnì prestaziuns supplementaras ch'ils ultims onns. In motiv è ch'i dat pli paucs pensiunads tar l'assicuranza d'invaliditad. Quai communitgescha l'uffizi federal da las assicuranzas socialas.

Seniora cun munaida en maun.
Legenda: L'onn 2016 han 318'000 persunas obtegnì prestaziuns supplementaras. Keystone

Bunamain 320'000 persunas han retratg l'onn passà prestaziuns supplementaras perquai che lur renta d'AVS u AI na tanscha betg per ils custs da viver minimals. Las expensas per prestaziuns supplementaras èn l’onn 2016 cun 1,5 pertschient era creschidas damain ferm ch’en media dals davos onns cun 4 pertschient. En total èn vegnids pajads l'onn passà 4,9 milliardas francs per prestaziuns supplementaras.

Motivs

Tenor l’uffizi federal d’assicuranzas socialas datti dus motivs: In motiv è ch'i dat pli paucs pensiunads tar l'assicuranza d'invaliditad. Il segund motiv è ina midada da lescha en il chantun Genevra. Quella ha per consequenza ch'els ston pajar a damain retschaviders da prestaziuns lur cassas da malsauns.

RR novitads 11:00