Siglir tar il cuntegn

Header

Navigaziun

Tudestg sco lingua segunda.
Legenda: Il motiv principal da vegnir en Svizra è la lavur. Keystone
cuntegn

Svizra Damain persunas vegnan en Svizra

L’onn passà èn passa 143’000 persunas immigradas en Svizra. Cumpareglià cun l’onn avant è quai in minus da 5%, scriva il Secretariat da stadi per migraziun. Dapi trais onns è uschia il dumber d’immigrants ord l’exteriur sa reducì.

Il medem mument è dentant l’emigraziun s’augmentada, uschia han il 2016 passa 77’000 persunas bandunà la Svizra. Quai munta in plus da 5,6% cumpareglià cun l'onn avant.

Il pass svizzer han survegnì passa 41milli persunas. Quai medemamain in plus da 1,3%.

La lavura è il motiv principal da vegnir en Svizra

Sco gia l’onn passà è la lavur il motiv principal da vegnir en Svizra, quai per radund 47% da tut las persunas vegnidas en Svizra. Il segund impurtant motiv è la reuniun da famiglia.

La gronda part da las estras ed esters vegnan ord ils stadis da l’Uniun europeica. La gruppa da persunas ord l’Italia era il 2016 la pli gronda gruppa d’esters en Svizra.

RR novitads 18:00