Siglir tar il cuntegn
cuntegn

Svizra Damain leschas e cundiziuns per industria da mangiativas

Il Cussegl naziunal vul cumbatter ch'i vegn sfarlattà mangiativas en Svizra. Tenor in studi dal Uffizi federal d’ambient e da la Scol’auta per la scienza applitgada da Turitg vegnan sur tut las branschas ora sfarlattà ad onn bun 350’000 tonnas mangiativas.

Mangiativas bettadas davent.
Legenda: 350'000 tonnas mangiativas ad onn vegnan bittadas en il rument. Keystone

Il Cussegl naziunal ha approvà ina moziun correspundenta da la cumissiun da la scienza cleramain cun 161 cunter 14 vuschs e 10 abstenziuns. In dals motivs per il grond sfarlattim da mangiativas suppona la cumissiun èn las autas pretensiuns e leschas per mangiativas en Svizra. Era saja il diever da mangiativas per exempel per dar ad animals restrenschida, ha ditg il pledader da la cumissiun Hans-Ulrich Bigler.

Cussegl federal è cunter moziun

Il Cussegl federal na vesa nagin basegn da far adattaziuns e regulaziuns novas, ha ditg Alain Berset. Ils auts quantums da mangiativas bittadas davent saja in problem ma quai saja sulet pussaivel cun sensibilisar la populaziun, ha ditg Berset en il Cussegl naziunal. Cun schluccar las pretensiuns per la qualitad da las mangiativas na saja la protecziun da sanadad da la populaziun betg pli garantida dal tuttafatg.

RR novitads 12:00