Damain latg en las brentas svizras

Ils purs svizzers han producì in zic damain latg l'onn passà. La quantitad è sa reducida per stgars 1,5% sin radund 3,4 milliuns tonnas.

Brentas da latg vitas sin in alp svizra.

Legenda da maletgs: Las brentas da latg èn mo adattadas per ina pitschna producziun da latg. Keystone

Var 570 manaschis han producì l’onn passà pli ch’ina mesa milliun kilograms latg, e 47 da quels perfin passà in milliun kilograms. Quai mussa la statistica annuala da la TSM Treuhand che la Berner Zeitung ha publitgà.

Pli paucs produceschan dapli

Ed il trend ch'adina pli paucs manaschis produceschan adina dapli latg cuntinuescha. L'onn passà han radund 800 manaschis dà si la producziun da latg. Cunquai è il dumber da producents sa reducì sin stgars 21'800.

Appell da limitar producziun

Ils purs svizzers han actualmain da cumbatter cun ina situaziun dal martgà difficila e cun il ferm franc. Malgrà che la producziun da latg è sa reducida l’onn 2015, avevan l’organisaziun dals producents da latg svizzers appellà als purs il schaner, da franar la quantitad da latg.

RR Novitads 11:00