audio
Saira: Statistica d'esters 1. mez onn
ord Actualitad dals 17.07.2017.
laschar ir. Durada: 1 minuta 12 Secundas.
Davent dal schaner enfin il zercladur 2017 èn 25’526 persunas immigradas en Svizra. L’onn 2016 da quai temp eran quai anc 12% dapli persunas. Surtut or dals pajais da l’Uniun europeica e da l’EFTA èn vegnidas damain persunas. Numnadamain 21,5% damain che l’onn avant.
Uschia sa sbassa il saldo da migraziun sin stgars 6’500 persunas en il segund quartal da quest onn. Uschè bass n’è el dapi il segund quartal dal 2005 betg pli stà.
Bun dus milliuns esters en Svizra
La fin da zercladur 2017 vivevan bun dus milliuns estras ed esters en Svizra. La mesadad da quellas persunas deriva dal stadis europeics Italia (15,6%), Germania (14,9%), Portugal (13,2%) e Frantscha (6,3%).
RR novitads 14:00