Siglir tar il cuntegn
Inhalt

Svizra Damain gudogn per Swissgrid

Swissgrid, il gestiunari da la rait d’electricitad en Svizra, noda in gudogn net da 65,3 milliuns francs. Quai èn – cumpareglià cun l’onn passà – in minus da radund 30 milliuns, scriva Swissgrid.

Purtret da raits d'electricitad.
Legenda: La rait da Swissgrid patescha che la rait Svizra n'è il mument betg colliada cun l'Europa. Keystone

Il directur general da l’interpresa ha ditg, che la situaziun sin il martgà saja fitg difficila tuttina haja l’interpresa pudì sa mantegnair bain. Surtut la collavuraziun restrenschida cun ils partenaris en l’Uniun europeica UEhajan engrevgià lavur.

Senza cunvegna per electricitad na po la Svizra betg sa colliar cun il martgà da l'UE. Tras quai che la Svizra na tgutga betg tar il martgà europeic, hajan flussiuns nunspetgadas strapatschà pli ferm che planisà las lingias ed ils transfurmaturs, ha communitgà Swissgrid. A vista curta prendia Swissgrid mesiras tecnicas.

A lunga vista possia la stabilitad da la rait dentant be vegnir segirada en il context europeic. Pervi da la collavuraziun pli mala cun l'Europa possian ins gestiunar pli pauc effizient la rait. Quai haja la finala consequenzas negativas sin ils custs per ils clients, uschia Swissgrid

RR novitads 09:00