Siglir tar il cuntegn

Svizra Damain gas da serra

En Svizra èn las emissiun da gas da serra sa reducidas marcantmain il 2014 pervi da l'enviern miaivel. Las emissiuns en il traffic però èn be sa reducidas levamain, quai communitgescha l'Uffizi federal d'ambient BAFU. En total ha la Svizra registrà 48,7 milliuns tonnas emissiuns da gas da serra.

dus chamins cun fim
Legenda: L'enviern miaivel ha sminuì las emissiuns da gas da serra. Keystone

Quai èn 5 milliuns tonnas pli pauc che l'onn da basa 1990 e 3,9 milliuns tonnas pjli pauc che l'onn 2013. Las emissiuns da gas da serra varieschan fitg, tut tenor il temp da stgaudar. Anc avert è sche las finamiras da reducir las emissiuns fin il 2020 pon vegnir cuntanschidas.

Tenor il BAFU stoppia cuntinuar la reducziun per che la Svizra cuntanschia las finamiras da reducziun internaziunalas. Tenor la lescha da CO2 ston las emissiun da gas da serra en Svizra vegnir sbassadas per 20% cumpareglià cun il 1990.

RR novitads 12:00