Cumpareglià cun il schaner è il dumber da dumondas d'asil en Svizra sa reducì il favrer per 9%, sin 1’424 dumondas. Quai mussan las novas cifras dal Secretariat statal per migraziun.
La gronda part da las dumondas d'asil derivian vinavant da l'Eritrea, da la Siria e da la Sri Lanka.
Il favrer han plinavant radund 800 requirents d'asil bandunà la Svizra. La gronda part da quellas persunas èn vegnidas surpigliadas dad in ulteriur stadi da Dublin.
