Siglir tar il cuntegn

Svizra Damain dischoccupads en il Grischun ed en l'entira Svizra

Il zercladur han pli paucas persunas gì nagina lavur ch'anc il matg.

Legenda:
Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns Cifras da l'Uffizi d'industria, mastergn e lavur GR (2002-2018; stan 08-05-2018)

Cumapreglià cun il matg saja il dumber dals dischoccupads sa reducì per bun 700 persunas en Grischun, scriva l'Uffizi per industria mastergn e lavur. La quota da dischoccupaziun ha il zercladur muntà ad 1,2 % en il Grischun. Quest regress da las persunas senza lavur ha da far cun la stagiun. Bleras persunas han puspè chattà lavur cunzunt en il turissem.

Damain dischoccupads er en Svizra

Tenor il Secretariat da stadi per economia è la quota da dischoccupaziun sa reducida il zercladur per 0,1% sin 3%. En tut èn radund 133'000 persunas stadas senza lavur il mais passà.

Er il dumber da persunas che tschertgan lavur è sa reducì. Tar ils Centers regiunals per l'intermediaziun da lavur eran annunziadas bunamain 197'000 persunas. Quai èn passa 5'500 persunas u 2,7% pli pauc ch'anc il matg.

In sumegliant maletg sa mussa tar la dischoccupaziun da giuvenils. Il zercladur eran anc bun 850 giuvenils dapli senza occupaziun. Quai è in minus da 5,7%. La quota da dischoccupaziun tar giuvenils è uschia tar 2,6%.

RR novitads 08:00