Svizra - Damain daners per unfrendas da criminalitad
Il 2015 han unfrendas da criminalitad en Svizra survegnì total 6,1 milliuns francs. Cumpareglià cun l'onn 2014 è la summa da las contribuziuns sa reducida uschia per 1/5.
Quai mussan las novas cifras da l'Uffizi federal da statistica. Tut en tut èsi vegnì tschentà 1400 dumondas d'indemnisaziun, radund 100 dapli che l'onn avant. Da quellas èn bun la mesadad vegnidas approvadas.
S'augmentadas èn er las dumondas da cussegliaziun. En bun 3/4 dals cas èn las unfrendas dunnas. Bun la mesadad dals cas pertutgan blessuras corporalas u acts da violenza.
