Siglir tar il cuntegn
Inhalt

Svizra Damain cumpras – ils detaglists han fatg nauschs affars

Malgrà las fatschentas da Nadal han ils detaglists svizzers vendì damain il december 2016 co en il december 2015 – las svieutas èn sa reducidas numnadamain per 3,5%.

2 persunas cun tastgas da cumprar en.
Legenda: Consumentas e consuments cumpran pli pauc - ils detaglists han fatg nauschs affars in december. Keystone

Envers il november 2016, il mais avant, è sa reducida la svieuta per 2,4%. Quai resulta da las cifras provisoricas da l'uffizi federal da statistica.

Las svieutas – tant tar las mangiativas sco er tar tut ils auters products – èn sa sviluppadas er en il congual annual negativamain. Tar ils products na mangiabels, il uschenumnà non-food, èn ellas sa reducidas per 2,3%. Las svieutas tar mangiativas, bavrondas e products da tubac èn sa reducidas per 5,7%.

Las cifras inditgadas mussan il svilup real, numnadamain quel che resguarda gia la chareschia.

Il november passà aveva la branscha per la prima giada dapi prest dus onns puspè vendì dapli. Suenter l'aboliziun dal curs minimal da l'euro l'entschatta 2015 eran las Svizras ed ils Svizzers plelegrinadas en rotschas sur il cunfin per cumprar en.

RR novitads 10:00