cuntegn
Svizra
-
Damain camiuns han traversà las Alps
L'onn passà èsi vegnì transportà 4% damain rauba sin las vias ed il binaris sur las Alps. La raschun principala per questa reducziun è tenor l'Uffizi federal da traffic l'interrupziun da la lingia da la val dal Rain tar Rastatt en la Germania durant 50 dis.
Autur:
SDA / Corina Schmed
En total èsi vegnì transportà ds l'onn passà 39 milliuns tonnas rauba. Cumpareglià cun l’onn avant è quai in minus da 3,9%.
L'interrupziun a Rastatt n'ha dentant betg chaschunà ina lavina da camiuns sco temì. Ils viadis da camiuns èn schizunt sa reducids l'onn passà per 2% sin 954'000.
Cunquai saja la valur dal 2017 radund in terz sut quella dal 2001, cura ch’igl era vegnì stgaffì novas cundiziuns da basa cun la taxa sin traffic da camiuns pesants (LSVA) e l’augment da la limita da pais sin 40 tonnas.
Tge è la LSVA?
Avrir la box
Serrar la box
En Svizra ston tut ils vehichels sur 3,5 tonnas pajar la taxa per charrar sin las vias naziunalas. Quella vegn quintada sin basa dals kilometers che vegnan charrads ed il pais che vegn transportà. Dapi il 2008 vala ina taxa da 2,70 raps per tonna/kilometer.
In terz da las entradas van als chantuns, dus terzs a la Confederaziun. Ils chantuns dovran lur part surtut per cuvrir ils custs per il traffic sin via.
Er la cumpart dal martgà da la viafier è però sa reducida da 71% sin 70%. Tut en tut è la rauba ch'è vegnida transportada sin ils binaris ida enavos per 5,3% sin 27,2 milliuns tonnas.
RR novitads 14:00
