En Svizra èn passa 315'000 autos da persunas vegnids immatriculads da nov l’onn passà. Cumpareglià cun l’onn avant è quai in minus dad 1,3%. Quai communitgescha l’Uffizi federal da statistica. Cunzunt sajan damain autos da diesel vegnids immatriculads da nov. Lez dumber saja sa reducì per passa 9% sin 113'848 – cumpareglià cun il 2016.
En tut èn bunamain 413'000 vehichels motorisads vegnids mess da nov en circulaziun l’onn passà. Quai è in minus da 0,5% cumpareglià cun l’onn avant.
Novas immatriculaziuns da vehichels motorisads
2017 | differenza cun 2016, en % | |
Total vehichels motorisads | 412'827 | -0,5 |
Autos da persunas | 315'032 | -1,3 |
Vehichels per transportar persunas | 5'607 | +8'3 |
Vehichels per transportar rauba | 37'499 | +7,8 |
Vehichels agriculs | 3'308 | -0,2 |
Vehichels d'industria | 4'127 | -0,2 |
Motos | 47'255 | -1,9 |
Chars annex | 21'140 | +1,2 |
RR novitads 09:00