Collavuraturas e collavuraturs da la viafier federala han demonstrà il glindesdi per lur contract da lavur collectiv. En pliras citads svizras eran las demonstraziuns organisadas dal Sindicat dal persunal dals transports (SEV).
Nus vulain meglierar las cundiziuns da lavur e na betg pegiurar.
I na duai betg vegnir spargnà sin donn e cust dal persunal – uschè las pretaisas. Il persunal pretenda da scheffas e schefs da vegnir encunter cun lur pretaisas als sindicats. Lavurar dapli ed en il medem mument pli pauca paja na vegnian betg en dumonda, uschia ils collavuraturs.
Dentant na duai dar nagina chauma, quai saja l'ultima opziun hai num davart dal SEV.
Optimissem davart las viafiers federalas
Il schef da persunal da las viafier federalas, Markus Jordi, ha prendì posiziun davart las demonstraziuns. Ins prendia l'acziun per enconuschientscha.
Nus avain fatg l'ultima giada concessiuns, uss ston quai era ils sindicats far e lura vegn quai bun.
Markus Jordi è cuntent ch'ins haja pudì prolungar las tractativas per trais mais. Ed el è persvas ch'i vegn a dar ina soluziun che cuntanscha tuttas duas varts.
RR actualitad 17:00