Ina maschina da la societad aviatica Edelweiss è sa tschentada dumengia bun’ura al eroport da Turitg. La maschina era partida la sonda davent da Sydney. I sa tracta dal 19avel sgol da return ch’il departament federal d’affars exteriurs ha organisà.
En total èn gia 2400 svizras e svizzers vegnids repatriads. Pervia dal coronavirus èn blers turists svizzers bloccads en l’exteriur. Ord quest motiv ha il Departament federal d'affars exteriurs EDA lantschà la pli grond’acziun da repatriaziun en sia istorgia.