Las metodas dals cybercriminals èn vegnidas pli professiunalas ils ultims 5 onns. Quai cun la consequenza ch'ins na sto betg pli sa dumandar sch'ins saja l'unfrenda d'ina cyberattatga, mabain cura.
L'aut stan da svilup da las attatgas saja il problem il pli serius, ha ditg Max Klaus, il substitut dal manader dal Post federal d'analisa ed annunzia per la segirtad d'infurmaziuns MELANI a la gasetta «Le Temps». Grazia al lur rait internaziunala hajan els fin ussa mantegnì ina tscherta controlla. Savens sajan ils cybercriminals dentant in pass pli lunsch, uschia Klaus.
