Siglir tar il cuntegn
Inhalt

Svizra Custs da sanadad èn puspè creschids

Ils custs da sanadad en Svizra han muntà il 2015 a 77,8 milliardas francs. Quai è in augment da 4,3% en cumparegliaziun cun l'onn avant.

Ina fotografia da chartas da cassas da malsauns.
Legenda: Custs da sanadad èn puspè creschids. Keystone

Il 2015 han ils cust da sanadad muntà a 77,8 milliardas francs. En cumparegliaziun cun il 2014 è quai in augment da 4,3% u da 3,2 milliardas. Quai ha declerà l’uffizi federal da statistica. L’augment da 3,2 milliardas è stgars sur la media da tschintg onns.

Bun duas terzas da quest augment van ad ospitals (plus 1 milliarda francs), a praticas da medis (plus 0,9 milliardas) ed ad instituziuns social-medicinalas (plus 0,3 milliardas). Quests trais furniturs da prestaziuns chaschunan stgars 71% da tut ils custs da sanadad.

Bun in terz da tut ils custs ha surprendì l’assicuranza da basa obligatorica. Per abitant e abitanta da la Svizra èn ils custs creschids per 24 francs sin 783 francs per mais. 219 francs ha en media mintga abitant pajà sez vi dals custs l’onn 2015.

RR novitads 12:00