Siglir tar il cuntegn
Inhalt

Svizra Cusseglier naziunal Raymond Clottu - exclus da la partida

La PPS dal chantun Neuchâtel ha exclus Clottu da la secziun chantunala. Quai ha Clottu communitgà sezs. La partida reproscha tranter auter ad el da betg avair pajà sias contribuziuns da commember.

Raymond Clottu durant la sessiun da primavaira dal parlament federal.
Legenda: Raymond Clottu durant la sessiun da primavaira dal parlament federal. Keystone

Raymond Clottu aveva infurmà la direcziun da la partida ch'el na vegnia betg a pajar las contribuziuns enfin che la situaziun finanziala da la partida na saja anc betg sclerida. En tut avess Clottu da pajar 5'000 francs ad onn.

La partida haja infurmà ses commember la gievgia passada davart sia exclusiun. Dasper ils pajaments betg exequids haja Clottu er crititgà la direcziun da la partida suenter la terrada a las elecziuns chantunalas l'entschatta avrigl. Là aveva la partida pers la mesadad da ses sezs.

Clottu scriva ch'el haja prendì enconuschientscha da questa decisiun e ch'el na vegnia betg a recurrer cunter quella, malgrà ch'el saja dal maini che quai saja ina decisiun betg correcta.

RR novitads 15:00