La maioritad dal Cussegl naziunal vul ch'il Cussegl federal propona 4 differentas variantas da preventiv per ademplir l'uschènumnà «service public». Dal «status quo» cun radund 1,3 milliardas francs (stan 2013) fin tar variantas reducidas fin a 500 milliuns francs. Era las purschidas auditivas e da videos en l'internet da la SSR duai il Cussegl federal examinar. Questas e pliras autras dumondas ord las chombras politicas vegn il rapport dal Cussegl federal a stuair respunder.
«Jau empermett ch'il rapport na vegn betg ad avair largias»
En la debatta extraordinaria ha cunzunt la dretga pretendì ina vasta discussiun davart il service public en il sectur da medias. Uschia ha la ministra da medias Doris Leuthard la finala empermess ch'il rapport na vegnia betg ad avair largias. Las dumondas da blers burgais, sche l'incumbensa dal «service public» saja correcta, ubain sch'i dovria midaments, saja legitima, ha ditg Leuthard. Quai vegnia anc a chaschunar bleras discussiuns.
La fatschenta va uss en il Cussegl dals chantuns.
RR novitads 14:00