Las pajas dal cader na duain dentant betg vegnir limitadas sin questa autezza mabain er cumpigliar las ulteriuras entradas ed il dretg sin renta quintà. Tut tenor datti uschia ina paja da radund 1 milliun francs, uschia ha ditg il pledader da la cumissiun, Gerhard Pfister PCD / Zug. En firmas privatas sajan las pajas chaussa dals possessurs ha ditg Pfister, Tar firmas liadas a la Confederaziun saja quai il pajataglia, represchentà entras la Confederaziun. La decisiun davart la paja saja perquai politica. En quest martgà fermamain regulà saja la paja d'in cusseglier federal ina buna grondezza da referenza.
RUAG ha distatgà la discussiun
Distatgà l'entira discusssiun davart la paja dals schefs d'interpresas liadas a la Confederaziun ha Urs Breitmeier, il schef dal concern d'armament RUAG. Ferm crititgà era sia paja dal 2015. Lura ha el incassà ina paja fixa da 415'000 francs e cumponentas variablas e bunificaziuns da 499'800 francs e prestaziuns secundaras da 50'400 francs.L'iniziativa parlamentara da Susanne Leutenegger Oberholzer PS / Basilea Champagna, va uss en il Cussegl dals chantuns.
RR novitads 21:00