Siglir tar il cuntegn
Inhalt

Svizra Cussegl naziunal vul far urden tar la Posta

Set interpellaziuns da set partidas e set fracziuns pervi da l'affera AutoDaPosta. I ha dà ina debatta emoziunala.

Purtret d'in auto da posta.
Legenda: La chaussa AutoDaPosta SA vegn discutada oz en il cussegl naziunal. Keystone

Urgentamain stoi dar urden en l'entratschament dal sistem da la Posta sco fatschenta ch'è liada a la Confederaziun. Il tenor è il medem en l'entir cussegl naziunal. Suenter las cugliunarias per milliuns tar l'AutoDaPosta SA ha la chombra gronda lavà ils chaus a la testa da la Posta ed al cussegl federal, il cussegl naziunal ha dentant er mussa critica vers sasez.

D'ina odissea da la Posta è vegnì discurrì, da la fidanza ch'è ida a perder, da cugliunarias al pajataglias, distanza mancanta e management fauss. Dasper in scleriment senza pigliar resguard vegnan era pretendidas consequenzas per il persunal.

La ministra da traffic, Doris Leuthard ha accentuà ch'il sistem maschadà ch'è vegnì introducì il 1999, er cun consentiment dal parlament, stoppia puspè vegnir sortì. Ils blers posts che sa cruschian engrevgeschian er la controlla. La lescha davart il transport da persunas stoppia vegnir revedì.

RR actualitad 12:00