Siglir tar il cuntegn

Svizra Cussegl naziunal sustegna vinavant project per stgaffir canortas

Cunter la voluntad da la PPS e la PLD ha il Cussegl naziunal concedì ulteriurs 130 milliuns francs per promover canortas.

Uffants en ina canorta che sesan vi d'ina maisa.
Legenda: Ina maioritad dal Cussegl naziunal è da l'opiniun che la purschida actuala da canortas è insuffizienta. Keystone

Il Cussegl naziunal vul metter a disposiziun ulteriurs 130 milliuns francs per stgaffir canortas per la tgira d'uffants. Cun 103 cunter 90 vuschs ha la chombra gronda approvà da prolungar il program d'impuls. Ina maioritad era da l'opiniun che la purschida actuala da canortas e plazzas per la tgira d'uffants saja anc adina insuffizienta. Vitiers stoppia la Confederaziun er sustegnair ils chantuns. Ils adversaris surtut or da las partidas PPS e PLD han manegià che quests daners vegnian duvrads pli urgent en auters lieus. La fatschenta va uss en il Cussegl dals chantuns.

RR novitads 12:00