Siglir tar il cuntegn
cuntegn

Svizra Cussegl naziunal: Nagin agid immediat per forza idraulica

Il Cussegl naziunal ha decidì il mardi a bun’ura da vulair sclerir l’emprim las consequenzas dad in tal sustegn. Cun 131:58 vuschs tar 3 abstenziuns ha el acceptà la proposta correspundenta dal cusseglier naziunal Christian Wasserfallen (BE/PLD). Quai rapporta l'agentura da novitads svizra SDA.

In flumet da muntogna.
Legenda: Il cussegl naziunal na fatg betg prescha cun mesiras d'agid per la forza d'aua. Keystone

Il Cussegl naziunal ha decidì uschia cunter la proposta da sia cumissiun d’energia. Quella proposta vegn sustegnida dals verds e per part era da la PS e la PCD.

La cumissiun era da l’avis, che soluziuns spertas sajan necessarias per las ovras idraulicas. Perquai vuleva ella integrar reglas novas tar il provediment da basa en il project da las raits electricas. L’idea era che chasas privatas ed interpresas pitschnas e mesaunas avessan sulet anc survegnì electricitad ord forza idraulica. Quai fiss stà ina garanzia da cumpra per las ovras idraulicas. Betg sclerì era tge che quai custia ils clients.

La cumissiun aveva reagì sin ina decisiun dal Cussegl dals chantuns che vuleva sustegnair las ovras idraulicas.

RR novitads 10:00