Svizra - Cussegl naziunal di gea a nova lescha dal servetsch d’infurmaziun
Il Cussegl naziunal ha approvà ils artitgels da coc da la nova lescha davart il servetsch d'infurmaziun. Uschia dastga il servetsch tadlar giu telefons, entrar clandestinamain en computers ed evaluar las datas da l'internet.
En situaziuns spezialas duai il Cussegl federal dar al servetsch secret incumbensas che surpassan l'incarica da la protecziun dal stadi. Per exempel duai il servetsch pudair investigar en il lieu da finanzas.
Per la surveglianza dastgass il servetsch secret er far diever da dronas e satellits e quai senza ch’el sto dumandar lubientscha per mintga acziun. Quai ha il Cussegl naziunal decidì cura ch'el ha cuntinuà da tractar la nova lescha davart il servetsch d'infurmaziun.