Siglir tar il cuntegn

Svizra Cussegl federal vul spargnar tar il persunal

Il Cussegl federal vul spargnar mintg’onn 30 milliuns francs tar il persunal federal. El haja prendì mesiras che duajan gia ir en vigur l'auter onn, communitgescha il Cussegl federal.

A lunga vista planisescha il Cussegl federal da stgaffir in nov sistem da paja per il persunal federal.
Legenda: A lunga vista planisescha il Cussegl federal da stgaffir in nov sistem da paja per il persunal federal. Keystone

Tranter auter vegnia la premia da fidaivladad suenter 5 onns stritgada. Ed il persunal federal dastgia quintar cun in auzament maximal da la paja da 3% enstagl sco fin uss da 5% ad onn.

A lunga vista planisescha il Cussegl federal da stgaffir in nov sistem da paja che desistia dal supplement da domicil e dad automatissems.

RR novitads 20:00