Siglir tar il cuntegn

Svizra Cussegl federal vul simplifitgar la midada uffiziala dal sex

Transumans ed umans cun ina varianta da la schlattaina duain pudair midar a moda nunbirocratica lur sex e lur prenum.

Cussegliera federala Simonetta Sommaruga
Legenda: Cussegliera federala Simonetta Sommaruga vul simplifitgar la midada da schlattaina e prenum en il register dal stadi civil - per transumans ed umans cun ina varianta da la schlattaina. Keystone

Quai propona il Cussegl federal en sias midadas da lescha ch'el ha tramess en consultaziun. Ina terza schlattaina n'è dentant betg previsa.

  • Persunas che na sa sentan betg part da quella schlattaina, cun la quala els èn registrads en il register da stadi civil duain pudair midar lur sex e lur prenum cun ina simpla explicaziun.
  • Ina examinaziun medicinala n'è betg necessaria.

Suenter la midada da l'inscripziun da schlattaina en il register da stadi civil pon novs documents vegnir fatgs svelt, p. ex. in pass. È la persuna maridada resta la lètg valaivla – ed uschia er il partenadi registrà. Era tar relaziuns da figlialanza na sa midia nagut.

Il Cussegl federal ha oz dà en consultaziun la midada da la lescha.