Cun il concept nov duai esser pussaivel da reagir er tar in accident atomar pli grev cun las mesiras da protecziun adattadas. Il concept actual sa basa anc sin in accident atomar main grev.
Basa per dumagnar in accident atomar pli grond
Per meglierar la protecziun en cas d’urgenza quinta il Cussegl federal perquai en sia proposta cun dapli radioactivitad che sorta e cun pli grond spazi dad evacuar. Er la dimora ed il provediment da las persunas evacuadas duai vegnir sclerì pli effizientamain.
L’uschenumnada «ordinaziun da protecziun en cas d’urgenza NFSV» duai furmar en avegnir la basa per pudair dumagnar in accident en in’ovra atomara.
Ordinaziun è conseqeunza da Fukushima 2011
La basa per la planisaziun èn ils resultats da la gruppa da lavur ch’era vegnida installada suenter l’accident en l’ovra Fukushima en il Giapun l’onn 2011.
La fasa da consultaziun dura enfin ils 25 settember da quest onn.
RR novitads 11:00