Svizra - Cussegl federal vul lubir cannabis per intents medicinals
Il Cussegl federal vul lubir la cultivaziun ed l’export da cannabis per il diever medicinal. El ha proponì al parlament d’acceptar ina moziun da la cusseglier naziunala Christa Markwalder.
Resguardadas duajan vegnir las obligaziuns internaziunalas, quellas prevesian reglamentaziuns ed ina instanza da controlla naziunala. Per Markwalder è ina tala midada da la lescha cunzunt ina schanza per ils purs svizzers, nua ch’ella prevesa entradas supplementaras per ara da 10'000 francs.
Il potenzial global per medicaments sin basa da cannabis saja tar radund 50 fin 100 milliardas dollars, scriva Markwalder en questa moziun.
