Siglir tar il cuntegn

Header

cuntegn

Svizra Cussegl federal vul dapli influenza tar aviatica svizra

Tenor il rapport da la politica aviatica vul il Cussegl federal avair dapli influenza sin ils eroports da Turitg, Basilea e Genevra. El avisescha miras liantas da prestaziun e da capacitad.

Ils eroports a Turitg, Basilea e Genevra èn tenor il rapport da muntada naziunala. En vista ad ina concurrenza da las societads aviaticas da la regiun dal Golf ch'expandeschan fitg, vul il Cussegl federal mantegnair in’infrastructur’effizienta.

Augmentar las capacitads

Damai che tant l'eroport da Turitg sco er quel da Genevra èn prest al cunfin da lur capacitads, stoppian quellas er vegnir augmentadas cun mesiras architectonicas. La Confederaziun vul lavurar ensemen cun ils chantuns, ma avair dapli influenza ch'enfin qua.

Entant è l'uniun tetgala da l'aviatica svizra Aerosuisse sa mussada cuntenta ch'il Cussegl federal vul prender dapli influenza sin ils eroports naziunals.

RR novitads 14:00 / 18:00

Artitgels legids il pli savens