Siglir tar il cuntegn

Header

cuntegn

Svizra Cussegl federal vul arrest da chasa tar suspect da terrorissem

La polizia duai pudair metter en arrest da chasa persunas che valan sco pussaivels attentaders terroristics. E quai senza ina procedura penala.

Il Cussegl federal vul en general schlargiar las pussaivladads da la polizia en connex cun persunas che savessan periclitar insatgi. Mesiras duain per l’ina esser pussaivlas cura che las indicaziuns davart ina persuna na tanschian betg per ina procedura penala. Per l’autra duai er esser pussibel a las autoritads d’observar ina persuna suenter ch’ella vegn relaschada ord ina praschun. Tenor il Cussegl federal dovria quai ad uras intervenziuns statalas tar temas sco radicalisaziun e terror.

Mesiras adina pli severas

Sco il Cussegl federal communitgescha è l'idea d'introducir mesiras pli severas en cas che las mesiras miaivlas na nizzegian betg. Quai ha cussegliera federala Simonetta Sommaruga communitgà. L'arrest da chasa fiss lura la davosa mesira:

  1. obligaziun d'annunzia tar las autoritads
  2. scumond da partir a l'exteriur
  3. scumond da contact
  4. scumond da zona: ina persuna na dastga betg bandunar in tschert areal
  5. arrest da chasa

La lescha davart mesiras da la polizia per cumbatter il terrorissem ha il Cussegl federal tramess en consultaziun.

RR novitads 16:00

Artitgels legids il pli savens