Siglir tar il cuntegn

Header

cuntegn

Cussegl federal Vinavant sustegn per cultura, mesiras per evitar concurs abolidas

La cultura duai vegnir sustegnida vinavant durant la crisa da corona dentant duain las mesiras per evitar concuors da firmas pervi dal virus vegnir abolidas. Quai ha il Cussegl federal decidì oz a la sesida emnila.

Il Cussegl federal vul turnar enavos tar il dretg ordinar quai che pertutga ils concurs. La regenza vul sa retegnair uschè ferm sco pussaivel d'intervegnir en l'economia. In levgiament per ils debiturs saja numnadamain adina ina chargia per ils crediturs, scriva il Cussegl federal. Uschia na valan las mesiras spezialas per ils concurs a partir da l'emna proxima betg pli.

Per la paja po la cultura far quint vinavant cun sustegn. Uschia metta la Confederaziun vinavant a disposiziun als chantuns meds per sustegnair il sectur da cultura. Per quest onn metta la Confederaziun a disposiziun 50 milliuns francs, per proxim onn 100 milliuns. 30 milliuns van direct ad uniuns tetgalas da la cultura.

RTR novitads 12:00

Artitgels legids il pli savens

Scrollar a sanestra Scrollar a dretga