Svizra - Cussegl federal sbassa tschains maximal per credits da consum
Il tschains maximal da credits directs munta da nov a 10% enstagl da 15% sco enfin ussa. Il Cussegl federal ha decis questa midada sin il prim da fanadur 2016. La davosa giada aveva el adattà il tschains maximal l'onn 2003.
Cun ils tschains bass dad ussa hajan las bancas damain custs da refinanziar ils credits. Uschia saja el obligà da sbassar il tschains maximal, ha communitgà il Cussegl federal.
Cun la sbassada dal tschains maximal spera il Cussegl federal era da rinforzar la prevenziun da surdebitaziun, perquai che las bancas dattan credits main ristgants. Er vul el en il futur mintg’onn controllar il tschains per credits da consum.
