Siglir tar il cuntegn

Svizra Cussegl federal sa raduna «extra muros»

In’acziun da tradiziun: Per l’indeschavla giada banduna il Cussegl federal per ina sesida ils mirs usitads a Berna. Quest onn sa raduna la regenza a Glaruna.

Il president da la Confederaziun Johann Schneider-Ammann è sa legrà ch’ì n’ha per ina giada betg pluvì en Glaruna. Si’ultima visita en l’uschenumnà «Ziegerschlitz» haja el fatg a chaschun dal cumin. Lezza giada saja quai stà in zic problematic quai che pertutga l’aura, ha el ditg curt avant la sesida aifer ils mirs da la Chasa Kurt Brunner.

Cussegl federal vul sa mussar

Il Cussegl federal «purtass gugent ina segunda revoluziun industriala al chantun Glaruna», uschia Schneider-Ammann. In manchia l’infrastructura e l’industria textila saja er crudada davent.

Tenor Schneider-Ammann èsi pussaivel che novas industrias vegnian en il chantun, che quest pudess daventar ina pitschna Silicon Valley, pia ina regiun per interpresas d'informatica e tecnologia.

Il 2010 aveva il Cussegl federal cumenzà a far sias sesidas dador la Chasa federala. La finamira è da mussar interess per las regiuns e cun la glieud.

RR novitads 14:00