Suenter ch'Alain Berset ha annunzià da chalar suenter duas legislaturas, tschertga la PS ina successiun. Uss ha la fracziun da la PS dà las datas. Fin ils 29 d'october pon commembras e commembers da la partida annunziar lur candidatura. Ils 25 d'october elegia la fracziun silsuenter la successiun ch'ella propona a l'Assamblea federala.
Candidaturas pussaivlas
Fin uss ha Mustafa Atici, cusseglier naziunal da Basilea-citad, annunzià sia candidatura. El fiss l'emprim cusseglier federal u cussegliera federala cun biografia da migraziun. Dasper vegnan tractà sco successiun da Berset:
- Priska Seiler-Graf (ZH)
- Matthias Aebischer (BE)
- Evi Allemann (BE)
- Jon Pult (GR)
Il cusseglier dals chantuns turitgais Daniel Jositsch ha annunzià uffizialmain sia candidatura ils 5 da settember. Gia avant ha il cusseglier naziunal da Basilea Mustafa Atici annunzià sia candidatura.
Partida verda preschenta ses plan
Era la partida verda ha preschentà ses plan davart la conquista d'in sez en il Cussegl federal. Per la partida saja cler ch'ella vul terminar en ina u l'autra moda la maioritad da PPS e PLD en il Cussegl federal. La partida vegnia a sa posiziunar suenter las elecziuns naziunalas l'october.
