Siglir tar il cuntegn
cuntegn

Svizra Cussegl federal prenda sut la marella ils custs per l’agid social

En Svizra èn las expensas per l’agid social creschidas davent da l’onn 2005 enfin l’onn 2015 per prest ina milliarda francs. Quai scriva il Cussegl federal en in rapport ch'il parlament aveva pretendì.

Chassa cun daners
Legenda: Ils custs per l'agid social creschan ad in crescher. Keystone

Da 1,7 milliardas il 2005 èn ils custs per l’agid social creschids sin 2,6 milliardas il 2015. Er las expensas annualas per persuna èn s'augmentadas da radund 7389 francs sin prest 9854 francs.

La cumpart da la populaziun che retira agid social è dentant restada stabila tar 3,2%. La raschun per l'augment saja tranter auter ch'i dettia adina dapli tegnair-chasas d'ina persuna u d'in genitur. Tranter ils chantuns dettia però grondas differenzas ed i manchia transparenza.

RR novitads 11:00