Siglir tar il cuntegn

Svizra Cussegl federal na vul betg infurmar davart in spiun probabel

Il cusseglier federal e parsura dal Departament da defensiun Guy Parmelin na vul betg s’exprimer davart l’arrestaziun d’in spiun svizzer probabel en Germania. Uschia ha Parmelin era betg confermà che quest um haja lavurà per il servetsch d’infurmaziun svizzer.

Guy Parmelin preschenta il rapport dal servetsch federal d'infurmaziun.
Legenda: Guy Parmelin preschenta il rapport dal servetsch federal d'infurmaziun. Keystone

Il privel da terror en Svizra resta fitg auts, quai resulta dal rapport dal servetsch federal d’infurmaziun. La smanatscha derivia surtut da la gruppaziun terroristica Stadi Islamic e da persunas singulas u gruppas pitschnas che sa laschan inspirar u era controllar dal Stadi Islamic.

Era na saja la situaziun cun l’autra gruppaziun da terror conuschenta Al-Kaida betg sa midada. Sur dal probabel spiun en Germania n’ha Parmelin betg fatg indicaziuns.

RR novitads 12:00