Siglir tar il cuntegn
Inhalt

Svizra Cussegl federal na vul betg crescher

Il cussegl federal duai er en l'avegnir sa cumponer da 7 e betg da 9 commembers. La regenza svizra refusa la proposta da la cumissiun d'instituziuns politicas dal cussegl naziunal da schlargiar il cussegl federal.

Ils 7 commembers dal cussegl federal il 2016.
Legenda: La regenza svizra refusa la proposta da la cumissiun d'instituziuns politicas dal cussegl naziunal d'augmentar il dumber da cussegliers federals. Keystone

Davart la segunda pretensiun na fa il cussegl federal però naginas objecziuns. Lezza pretenda ina represchentanza commensurada da las regiuns linguisticas svizras en il cussegl federal.

L’assamblea federala saja gia oz obligada da segirar ina represchentanza commensurada da tut las regiuns linguisticas, scriva l’uffizi federal da giustia. En general mussia la pratica che quai vegnia er resguardà.