Il Cussegl federal na piglia betg posiziun davart la dumonda, sch'ils chantuns duain survegnir dapli libertad tar la procedura d'eleger. Suenter avair pasà giu ils arguments per e cunter la dumonda haja el decis da desister d'ina proposta, hai num en ina communicaziun. In sistem d'elecziun stoppia correspunder als principis democratics, sco era al context istoric e social.
La cumissiun dal Cussegl dals chantuns vul fixar en la Constituziun ch'ils chantuns èn libers da decider, sch'els vulan eleger lur autoritads tenor il princip da maiorz, proporz u ina furma maschadada. Uschia duai vegnir evità ch'il Tribunal federal possia far prescripziuns als chantuns.
RR novitads 09:00