Siglir tar il cuntegn

Header

audio
Cussegl federal: vul realisar taglia minimala OECD
Or da Actualitad dals 23.06.2022.
laschar ir. Durada: 2 minutas 59 Secundas.
cuntegn

Cussegl federal La Svizra duai surpigliar la taglia globala minimala da la OECD

Il Cussegl federal fa vinavant cun realisar la taglia globala minimala per concerns gronds. Da nov propona el ad il parlament ch'in quart dal surpli d'entradas va enavos a la Confederaziun. Ina maioritad dals chantuns e da las citads sustegnan quest plan. Quel prevesa ch'interpresas internaziunalas cun dapli che 750 milliuns euros svieuta ston er pajar en Svizra ina taglia minimala da 15%. Quai a partir da l'entschatta dal 2024.

Svizra duai surpigliar la taglia globala minimala

Tenor il cusseglier federal Ueli Maurer èsi en l’interess da la Svizra da surpigliar la taglia globala minimala, perquai che uschiglio dastga l'exteriur pretender la differenza. Fin uss han radund dus terz dals chantuns la taglia sin il gudogn ch'è sut 15%.

Cuntanscher quai vulan ins sur ina taglia da cumplettaziun che cuvra la differenza tranter las taglias. Oriundamain eri planisà ch'ils surplis d'entradas vegnan cumplettamain da bun als chantuns. Pertutgads sajan tranter 200 e 300 interpresas svizras. Latiers vegnan anc radund 2'000 fin 3'000 filialas da l'exteriur.

RTR novitads 12:00

Artitgels legids il pli savens