Siglir tar il cuntegn
Inhalt

Svizra Cussegl federal è cunter l'iniziativa d’autodeterminaziun

Il Cussegl federal sa posiziunescha cunter l’iniziativa d’autodeterminaziun da la Partida populara svizra (PPS). L’iniziativa mettia en dumonda la Svizra stabila e fidada, argumentescha il Cussegl federal.

Adrian Amstutz da la PPS cun la Constituziun svizra.
Legenda: Il dretg svizzer duai adina star sur il dretg internaziunal, argumentescha la PPS. Keystone

Il Cussegl federal propona era al parlament da betg sustegnair l’iniziativa d'autodeterminaziun. Gia il november aveva el decis da betg preschentar ina cuntraproposta a l’iniziativa. L’iniziativa da la PPS vul ch’il dretg svizzer stettia adina sur il dretg ester, uschia avess la Constituziun prioritad envers ils Dretgs umans internaziunals.

Dapli malsegirtad

Cun l’iniziativa d’autodeterminaziun vulevan ils iniziants sclerir la relaziun tranter il dretg svizzer ed il dretg internaziunal, scriva il Cussegl federal. Ma l’iniziativa n’ademplescha betg questa finamira e procura per dapli malsegirtad. Segir è che l’iniziativa cuntrafa a obligaziuns internaziunalas. E sch’il pievel approvass l’iniziativa, alura fiss er da quintar cun cuntramesiras dals partenaris, ha accentuà il Cussegl federal.

RR novitads 16:00