Siglir tar il cuntegn

Svizra Cussegl federal duai sustegnair World Skills

Il Cussegl federal duai sustegnair ina candidatura per ils campiunadis mundials da las professiuns, ils World Skills, en Svizra. Quai pretenda il Cussegl dals chantuns ch'ha approvà ina moziun or dal Cussegl naziunal – quai però cun ina midada.

ina giuvna cuschinunza en ses element
Legenda: Il parlament federal s'engascha per ils World Skills en la Svizra. Keystone

La versiun oriunda vul, ch'il Cussegl federal elavuria sez ina candidatura enfin il 2023. La varianta dal Cussegl dals chantuns pretenda sulet ch'el sustegnia ina candidatura e laschia avert il termin. Interess d'organisar ils World Skills ha er il Grischun. L'avrigl ha il Cussegl Grond incumbensà la regenza d'examinar ina candidatura.

RR novitads 15:00