Svizra - Cussegl federal duai reducir tschains minimal
Represchentants da las assicuranzas e da las partidas burgaisas vulan ch’il Cussegl federal sbassia il tschains minimal per daners da cassas da pensiun, quai da 1,75 sin almain 1%.
Sco quai ch’il schef da l’assicuranza Helvetia, Phillip Gmür, ha ditg a la gasetta «Schweiz am Sonntag» na correspundia il tschains actual betg pli a la realitad.
«Pudess dar in crash»
Er Alex Kuprecht, il Cusseglier dal chantun Sviz (PPS) ha ditg ch’i possia dar in crash sch’ils tschains na vegnian betg adattads.
Il Cussegl federal vegn a decider l’atun davart dal tschains minimal.