Siglir tar il cuntegn

Header

cuntegn

Svizra Cussegl federal di na a l'iniziativa RASA

L’artitgel da migraziun na duai betg vegnir stritgà ord la constituziun. Il Cussegl federal refusescha l’iniziativa vegnir ord da las stretgas RASA che pretenda quai.

Sche necessari alura vegnia il Cussegl federal ad elavurar ina cuntraproposta tar RASA. Sur d’ina tala cuntraproposta vul el dentant pir decider cura ch’il parlament ha sclerì co realisar l’artitgel da migraziun, ha communitgà il Cussegl federal.

2 activists cun ina tabla da via tschorva.
Legenda: Sch'i va tenor il Cussegl federal duai l'iniziativa vegnir ord las stretgas RASA vegnir refusada. Keystone

L'iniziativa era vegnida lantschada il december 2014 e gia l'avust aveva il comité rimnà las 100'000 suttascripziuns necessarias. La gruppa RASA è tenor atgnas indicaziuns in'iniziativa da burgais e betg da partidas.

Ella vegn sustegnida d'organisaziuns e da pliras tschient persunas privatas, tranter auter era da persunalitads ord la politica, l'economia, la perscrutaziun e la cultura.

audio
Saira: Cussegl federal di na a RASA
ord Actualitad dals 26.10.2016.
laschar ir. Durada: 2 minutas 56 Secundas.

Reacziuns cuntraversas

La partida liberal-democratica è sceptica e dubita sche quai è il dretg instrument per sviluppar enavant ils contracts bilaterals. Ils social-democrats ed ils cristian-democrats perencunter laudan la regenza. E la partida populara avertescha ch'il Cussegl federal planisescha da metter il dretg internaziunal sur il dretg svizzer. La PPS lascha però avert schebain ella fa il referendum.

RR novitads 16:00

Artitgels legids il pli savens