Siglir tar il cuntegn

Header

cuntegn

Svizra Cussegl federal di na a l’iniziativa 'No Billag'

Il Cussegl federal refusa l'iniziativa che vul abolir las taxas da radio e televisiun. El è dal maini ch'in gea a l'iniziativa avessi consequenzas radicalas sin la plazza e la cuntrada da medias svizra.

audio
Cussegl federal di na a l'iniziativa «No Billag»
ord Actualitad dals 17.08.2016.
laschar ir. Durada: 1 minuta 4 Secundas.

La diversitad da mainis e purschidas en las medias electronicas vegnissi restrenschida fermamain e quai cuntradì a la tenuta mediapolitica dal Cussegl federal. Pertutgadas spezialmain fissan las regiuns francofonas, italofonas e rumantschas da la Svizra. Gia en ses rapport davart il Service Public, publitgà avant dus mais, era il Cussegl federal vegnids a la conclusiun che la Svizra dovri en tuttas regiuns linguisticas ina purschida da radio e televisiun independenta e da buna qualitad e quella stoppia vegnir finanziada.

El propona perquai al parlament da refusar l'inizativa senza cuntraproposta.

L'iniziativa «No Billag» ch'era vegnida lantschada da represchentants da las partidas giuvnas dals liberaldemocrats e da la pps era vegnida inoltrada il december passà cun varga 112'000 suttascripziuns. Ella pretenda che las taxas da radio e televisiun vegnan abolidas e scumonda a la Confederaziun da finanziar talas offertas.

RR novitads 15:00

Artitgels legids il pli savens