Cussegl federal di na a l’iniziativa Fair-Food

Il Cussegl federal propona al parlament da refusar l’iniziativa lantschada dals Verds senza cuntraproposta. Quai pervi che las pretensiuns cuntrafetschian ad obligaziuns internaziunalas e pretendessan in sistem da controllas exagerà.

Alain Berset discurra.

Legenda da maletgs: Cusseglier federal Alain Berset (PS) declera la posiziun dal Cussegl federal. Keystone

L’iniziativa fair-food pretenda ch’ils standards da protecziun dad animals ed ambient svizzers valian era per vivondas importadas en Svizra. Uschia vulan ils iniziants impedir che products ord la producziun da massa dad animals vegnian sin la fiera svizra.

La Confederaziun duai fixar las limitas e controllar, che quellas vegnian tegnidas en tar products agrars importads. Per victualias pli elavuradas e pavel dad animals haja la Confederaziun da prender in mira intents. En pli duajan vegnir reducidas las consequenzas ambientalas tras transport e deposits ed il squaz da mangiativas.

RR novitads 15:00