Siglir tar il cuntegn

Svizra Cussegl federal di na a l'iniziativa da transparenza

Il Cussegl federal è da l'avis che l'iniziativa na giaja betg a prà cun il sistem politic svizzer. I dess ina memia gronda chargia administrativa per politichers e las partidas.

Purtret da las chistas transparentas cun en las suttascripziuns per l'iniziativa.
Legenda: Il Cussegl federal ha decidì da refusar l'iniziativa per «dapli transparenza en la finanziaziun da la politica». Keystone

L'iniziativa «per dapli transparenza en la finanziaziun da la politica» vul scumandar donaziuns anonimas en il sectur da la politica. Plinavant duain partidas far public donaziuns da passa 10'000 francs.

Per il Cussegl federal stat uschia ina regla en cuntradicziuns cun il sistem politic da la Svizra. El tema ina gronda chargia administrativa per politichers e las partidas. Perquai propona il Cussegl federal al parlament da refusar l'iniziativa senza cuntraproposta.

Davos l'iniziativa da transparenza stattan la PS, ils Verds, la BDP ed ulteriuras gruppas.

RR novitads 14:00